Ğəzəl

Rozıme har dardı bəlo har yolə zillət

Tov əvanim yo bıbu kam ıştı mehəbbət

Sardə dılım eşği həşi karde ruşin, qam

Ruji nıvindom tıni az, dıl bəbe zulmət

Iştı nozi hey bəkəşem çandə jidəm az
Hiç tıku i dəm əkənim zərrə şikoyət

Pamye bo vaxti ya məsafon bəməro ni
Oxodə umjən bəbemon dey Xıdo ğismət

Mir Mustafa xan

   Ozobijoni iyən Tolışi torixədə bənə diplomat, sərkərdə iyən devlət xadimi riz noə Tolışi xon Mir Mustafa xan Tolışe. Əv Tolışi xonəti binoəkəs Qaraxani zoəbe. Pıə Qaraxani marde peştə bə hakimiyyət beşə.

Ehtimal kardən ki, Mir Mustafa xon 1747-nə sor Lankonədə moəkubə.

Çəy hakimiyyəti devronədə (1787-1814) Tolışi xonəti xəyli hevuj və ğoym bıəbe.

Haci eynaləddin Şirvani, Firəngi ənıvışt Jan Gver iyən çəy devri kali tarixçion, səlnaməçion, səyyahon Mir Mustafa xani həxədə bəhs kardeədə əy diyərovində diplomat, mahir sərkərdə və siyosətmədar təki xarakterizə kardəbin.

Bəbe

Çı dınyo pencəku dəkardəm esə,                              

Purğıbo bedəm lap, dıldə ğəm-ğussə,

Çiçon vindedəm az, çiç omdə bə sə,

Ha Xıdo bə dınyo çiç məlhəm bəbe?

Çənə bı dınyodə hey sitəm bəbe?

Vindəm siyo bedə həmmə co ranqon,

Beməno dəvardə soron həm manqon.

Şey-şey ziyod bedə dınyodə canqon,

Tosə kenə jıqo dıldə ğəm bəbe?

Kenə dınyoədə qınon kəm bəbe?

Həvuşi hədiyyə

   Ruji vişədə qləy siyo həvuş dı qləy sipiyə həvuşi kulon jiyədə bəduyəndı vitedəbin.
Əvon ıştə rujon kulə bınonədə dı hənək kardey dəvonedəbin.
Sipiyə həvuş ijənən kulə bınonədə pevaşteyədə vində ki, doy xıçəsə qləy sambuə bə co sambuə fındıx
hədiyə doydə. Sipiyə həvuş sambuəku xəbə səydə:
- Ha sambuə boliya, tı hejo ıştə pəydo kardə fındıxi vardəş, doydəş bə qılə sambuə. Boçi?
- Bə səbəb ki, əmə dustimon. Duston bəpe bə iyəndı hədiyə bıdən.

ŞAHZODƏ VƏ ALƏJEN

       İli hestbe, ili nıbe. Ğədimə zəmonədə qıləy Şahzodə hestbe. Əv ve ağılmandə cıvonbe. Həni bənə bəqlə şahzodon nıbe. Ve xoşış əvoy ki, xəlği dılədə bıbu. Hiç xoşış nəvoy de şahi əyonon bə ivrə çunesə bışu. Əv ıştəni bənə soyə odəmi əbəy. Xəlğiyən ve əpiye əv.

Şahzodə ruji ijənən bə diyon nəvedəbeki, bıvindo insonon quzəron çoknəy dəvardedə. Əv çı qləy jeni kəy vəo dəvardeədə çı kəy dıləo bəmə sədo məsəşe. Imi əvış ve norohət kardışe və əv bə jeni kə dəşe. Vindışe ki, qıləy qədə noxəşinə əğıl yonqoədəye, çəy tonoən qıləy jen nıştə, bəmedə. Şahzodə əçəyku xəbə səşe ki, çiç bıə? Jeni bəy cəvob doşe:

Şəv-Ruj - Ğəzəl

Zəmon mandəni, boştəro qardə şəv-ruj

Mıku dardi əv bardəni, vardə şəv-ruj

Qıləy eşği sehri qıniyəm, əsir bəm

Bəbeş nokə co ro ni, ovardə şəv-ruj

Ğərəz nozi bəyku hiçi vindənim az

Bəbolim, conım sutdə, dılbardə şəv-ruj

Həni vəste votdəm bışum, zındənim şe

İ dəm mandəni dıl co, oqardə şəv-ruj

Zanqeyarım

Faiq Ağayev

Əziz Dostlar!
Böyük fəxrlhə diqqətinizə ifamda “Zanqeyarım” adlı Talış xalq mahnısının promo-versiyasını təqdim edirəm.

Bu mahnını geniş tamaşaçı auditoriyasına ilk dəfə ötən əsrin 60-cı illərində SSRİ-nin Xalq Artisti, dahi Rəşid Behbudov təqdim etmişdir.