Ğəzəl

Rozıme har dardı bəlo har yolə zillət

Tov əvanim yo bıbu kam ıştı mehəbbət

Sardə dılım eşği həşi karde ruşin, qam

Ruji nıvindom tıni az, dıl bəbe zulmət

Iştı nozi hey bəkəşem çandə jidəm az
Hiç tıku i dəm əkənim zərrə şikoyət

Pamye bo vaxti ya məsafon bəməro ni
Oxodə umjən bəbemon dey Xıdo ğismət

Hampo bıbu bəy zəmonən zuj ənıvışke
Eşği zu ğalib bome, qonən bıbu həsrət

Aşiğiku vəşti bıparsoj tı, bəvote
Dınyodə əncəx ə yori vənqoye cənnət

Cındo məvot aşiği ya məcnuni, Aytən
Cındo bəka ruji tıni eşği zu, ğıvvət.

Aləm N_3 (7) 2017