KITI İYƏN SIPƏ (Təmsil)

Iştən pekrınyebə çı kıtı sənət,
Çı pencə vəyku kay, de sıpə sehbət:
Bətı astə doydən, ıştən qujd hardən,
Kəsoyb pidəni tın hey sıxan kardən.
Nıştəm tatə kədə az bənə tı nim,
Vənqo qətdən ijən ğəti rozi nim.
Sıpə tikəy fikşe çəy cəvobış doy:
Bətı kə nığo doy omdə hoston koy.

Hələ bınum bemı çı kəyku dumo,
Ezımən əmandni bo piçi səno.
Çı dızdon dasədə kə bəbe təyli,
Tatə kə əbıni bəmandeş coyli.
Əve kəsoyb bəmı co kumə dutə,
Bənə tı besoybon çəvon kə vitə.
Mandəş çı kəsoybi kumə jiyədəş,
Hiçi vəc omdəniş boçi jiyedəş?

Şayəd be pidəniş məsxərə xıvand,
Tıni zınəkəsi vədə lol bımand!