DE OVŞIMİ SEHBƏT

Kardəş tı şəvon de zılmoti canq,
Mandəş çı xımo xıçə tı har manq.

Vindəm ki, dıyo bətı bə aşiq,
Əv mandə hejo bə eşği sadiq.

Aşiq bəbe bəştə eşqi təslim,
Bəvdə bəçiye çı məşuqi dim.

Har qınyə ləpə dıli jə ğıppə,
Çəy dıl botıro de inci purbə.

Rost be bıpəro, tıni bıvindo,
Əmmo diyəro be ıştı simo.

Təkror bəka hey pezambiye əv,
Bəyro bəbe id, har ovşımə şəv.

Şin qırdəvə biş, ekarde bəy zanq,
Bın ro piyedəş tı ğande bəy çanq.

Əncəx ufuğonbe, dardi məlhəm,
Umjən de dıyo, tı biş de ım çəm.