Nİ

Ya dard ekardə qılmə muon dim, ya şonə ni,
Çəş nıştə ğəm ə xosə rujonku nişonə ni.

Hicroni sardə voşi ekardəşbe ıştə ars,
Siyo çəşon həmonbe, nəzər boy həmonə ni.

Eşği şə ro, çı poş bə dılon xok, zilon səpey,
Kam aşiqon şə zındə ki, vəştey vironə ni.

Dardi mırıt jıqo jə, dılım mandə sof tənık,
Boy doğ məjən tınən vəse, dıl dardi lonə ni.

Sof piyemon icobe, vusal fikri kardəni,
Hicron, jiye ya marde, bo aşiq bəhonə ni.

Aytən, tınən dəmande çı Leyli noə ro şe,
İ dəm məmand dəvomkə, oqarde zəmonə ni.