BIBU

Boy bıvot, boy bısır dardı-ğəmon ni bıbu,

Çok bıbu, zu bıbu rəy bedəni di bıbu. 

Baxtəvər bılbılon nəğmə bıhandon hejo.
Co nıbun aşiqon yəndı tono pi bıbu.

Nıznəmon ğəm, xıvət, har jiyə ruj id bıbu,
Şo bıbu har odəm, təşnə dılon si bıbu.

Rık nıkən yəndiku hey bijiən mehribon,
Das bıqət kosibon, ehtiyocin ki bıbu.

Şin-şini orzuon noc bıkə Aytən tınən.
Ha Xıdo, orzumon xosə tolış i bıbu.