MƏN - Qəzəl

İlahi bir nişanə var görən bilir əzimdi mən,

Həvai nəfsi mən edib tapıb görək ki, kimdi mən.

Meyar meyildi kimliyin, onunla ölçülər mənin,
Kiməm, nəyəm, sualına cavab verən elimdi mən.

Qürub edən nə var ona meyil edər həvai nəfs,
Baqi olan həqiqətin yolun bilən həkimdi mən. 

İçində ehtiyac bilib gəzib min il yaradanı,
Özündə bax nişanə var, ilahi bir rəsimdi mən.

Məni uca tutan kəsin böyük olar əməlləri,
Ləyaqəti və izzəti itirmə gəl kərimdi mən.

Min il olum mənimlə tək, darıxmaram bir an belə,

Çün Aytəni özəl edən tükənməyən fəhimdi mən.

************

Hz Əli (ə) "Mən təəccüb edirəm ki, xalq bir şeyi itirəndə, əl-ayağa düşüb itirdiklərini axtarır. Necə olur ki, bunlar "öz"lərini itirmişlər, amma bunun ardınca düşmürlər ki, "öz"lərini tapsınlar?! Biçarə adam pencəyini itirəndə, ardınca düşüb axtarır ki, haradan gedim tapım, ondan-bundan soraqlaşır. Gör "öz"ünü tapıbsanmı? Əgər "öz"ünü itirsən, kimdən soraq edəcəksən? Nə üçün "öz"ünü axtarmaq ardınca düşmürsən?"

Hz Əli (ə) "Özündə kəramət və böyüklük hiss edən öz canında əzəmət hiss edir. Heyvani şəhvətlə müxalifətdə olmaq onun üçün asandır."

"Allahı unutduqları üçün Allahın da onları özlərinə unutdurduğu kimsələrə bənzəməyin." (əl-Həşr - 19)

"Yerdə tam yəqinliklə inananlar üçün əlamətlər vardır. Sizin özünüzdə də əlamətlər vardır. Məgər görmürsüz?" ( Zariyat _ 20-21 )