II DINYO CANQİ ĞƏHRƏMANON

Dıminə dınyo canqədəbə ləşkərədə bo dave karde şə azərbayjanıjon dılədə de həzo qılə Tolışon hestbin. Əvon bə dışmeni əleyhi de şərəfi canqşon kardə, şəhid bıən, hətta bə Sovet İttifaqi Ğəhrəman nomiən loyiğ bıən.

 Çı ğəhrəmanondə qıləyən Azərbaycani iyən çı tolışon fəxr, dı kərə Sovet İttifaqi Ğəhrəmon General-mayor Həzi Aslanove.

Əhədi Həzi Aslanov 1910-minə sor yanvarə manqi 22-ədə Lankoni Qamətuk diyədə moəku bıə. Həzi Aslanov, Yolə Vətəni Canqi cəbhəondə nışo doə şəxsi cəsarəti iyən bə ğəhrəmonəti hisob 3 kərə Sıə pərçəmi orden, 2-minə dərəcə
Suvorovi orden, Aleksandr Nevski orden, 1-minə dərəcə Vətən Canqi orden, 2 kərə Sıə astovə ordeni

və medalon təltif kardəbə.

1944-minə sorədə general-mayor H.Aslanov Belarusiya cəhbədə nişodoə şucaəti qoroş dıminə kərə bə barzə nomi edaştonə bıbuən, Bə vaxtonədə SSRİ hərb rəhbəronədə təmsilbə erməni general Baqramyani bımi pərəjənəti kardəşbe.

H. Aslanovi vəfatiku 47 sor dəvardəpeştə, 1991-nə sorədə dıminə Sovet İttifaqi orden bəçəy xıyzoni edaştə be.Çoknəy bini çəmə xəlği yolə zoə, çəmə fəxr  H. Aslanovi Dığatə Sovet İttifaqi Ğəhrəmon nom Sovet İttifaqi Prezident Qarbaçovi tərəfo rəsmən təsdığ kardənə be. Stalinqrado, Baltik diyokənono canqə ro dəvardə Həzi Aslanov 24 yanvar 1945-minə sor Latviya Liepal rayonədə de faşistə almanon kardə canqi oxonə rujonədə bənə ğəhrəmoni həlok be.

Yolə Vətəni canqi co tolışə ğəhrəmanondə qıləyən Mirzə Cəbiyevbə. Ağamuradi Mirzə Cəbiyev 22 fevral 1925-nə sorədə Ostoro rayoni Hamoşam diyədə moəku bıə.

19 aprel 1945-minə sor tarixədə əv bə Sovet İttifaqi Ğəhrəmon nomi layiğ bıəbe. De jıqo əv, həmən Sovet İttifaqi Ğəhrəmoni nomi loyiğbə ən cıvonə ozobijonıjbe.

Mirzə Cəbiyev 10 fevral 1978-minə sorədə vəfotış kardə.

Baloğlan Mirzə zoə Abbasov 1919-nə sor dekabri 15-də Lankoni rayoni Sutəmırdov diyədə moəku bıə. Bənə zumandə snayperi xəlği yodədə mandə Baloğlan Abbasov canqədə 106 qılə almani əsqər iyən zabitış kıştəbe.Bənə sərrost bıjəni məhşurbə Baloğlan Abbasov canqi səkıştə vaxtonədə 1942-minə sor noyabri 19-ədə qon yarəjə be, conıj asbarde.

Səmədov Ağadadaş 1924- minə sor martə manqi 10-də Lankoni Vılvon diyədə moəku bıə. Rusiyə

Prezident Dimitri Medvedev 2008-minə sor iyunə manqədə bə Azərbaycan kardə rəsmi səfərədə bə Ağadadaş Səfərovi II və III dərəcə Şohrətə orden edaştəşbe. Im mukafat bə veterani hələ canqi vaxtinədə doəşonebən  Əmmo, əvşon mardə zınəbe, bə hisob mukafat bo edaşte dəmandəbe. Sıvoy bı ordeni bə Ağadadaş Səmədovi  I-nə dərəcə Vətəni Canqi orden, 10 qıləsə ve medal və  fəxri nışonon edaştə bıəbe.

Osmani Umər Əliyev 10 mart 1900-minə sor Ostoro Karoba diyədə moəku bıə. Dırozəjiy, Yolə Vətən Canqi iştirokəkə və xeyirxahə Umər Əliyevi II –nə dərəcə Vətəni Canqi Orden və co mukafaton edaştəbən  Əy, 2004-minə sor 8 iyunədə vəfotəş kardə.

 

Nəcəfi Əli Huseynov Liki Daster diyədə moəku bıə. Bəçəy cəsurəti qoroş bəy I –nə dərəcə Vətəni orden,  I,II və III –nə dərəcə Şöhrətə orden və co mukafaton edaştəbə. Əli Nəcəfov 1987-minə sor fevralə manqi 12 ədə vəfot kardəşe.

Ziya Musa zoə Bünyadov, Ostoro – Sovet İttifaqi Ğəhrəmon və 15-sən ve co yolə mukafaton səşe.

Ağahəsən Mamulu zoə  Nəhmətov, Ostoro  – I, II, III – nə dərəcə Şöhrət orden edaştəbə.

Rəhmət Məmməd zoə  Hatəmov, Ostoro – I, II, III – nə dərəcə Şöhrət orden edaştəbə.

Və co Azərboyconi iyən Tolşı ğəhrəmanon bıənki, əvon həmişə deştə vətənpərvərəti, deştə ğəhrəmanəti bo peşonnə nəslon yolə ibrətin.

Hirkon TV_Tarixədə Rizon_Aytən Eyvazon