Dınyo təhlükəynə vıron

Danakil səhro – Efiopiya

Dınyoədə cəhənnımi təsvir kardey holədəbə qləy vırəye. Bəbe vote ki, ıyo hiç voş voydəni. Hafto dərəcəsən  sape  həvo qam bedə ıyo. Temperaturəş ve sape, hışkiy, vulkanon, natə çolon, nemıkinə ovon iyən zəhərinə ğazon vırəye ıvrə.

Karaçay qol – Rusiya

Im vırə çı dınyo bənə ən çırkinə vırə ğeyd kardəbə. Radiaktiv zibilon şodoə  bı vıronədə  1sahat mande vəs bəka ki,radiasiya insoni bıkışto. Imrujnə rujədə Karaçay qoli ve vıron səpe de betoni ebastə bıbuən səviyə bə holədən hejo mandə.

 

     Niyos qol – Kameron

1986-i həzo nəv sa həşto şəşminə sori avqusti 21-də de çandi soron hıtə vulkani nubəsəton oğo bey iyən pəvvorə doy nəticədə beşə zəhərinə ğazon  bə qoli dılə eməbin, çıvrəykuən evardə ım zəhərinə ğazon 25 km. məsafədə bəçəy və beşə əcibaton həməyış məhv kardəbe. Həmon vaxtədə i həzo haft sa çılı şəş kəs odəm, se həzo penc saysən ve mol-mələ, kaq-kijə hətto həşəratonən qırd məhv bıəbin. Har sor 5 milyon kub metr karbondioksidi bı qoli dılə eme dəvom bedə.

Kvelmada Qreind yaən Moron ləpək -Braziliya

San-Pauliku 35 sivı penc  km diyəro ğərol qətə bı ləpəkədə xətoynə moron boştəro lonə qətəşone. Çəvon ən xətoynə qılə nom Bozrops insularis nomədəbə more. Bı ləpəkədə bə har 2 km  zəmini 6 qılə mor eqınedə. Im vıron  bə dınyo ən xətoynə vıron siyahi eğandə bıə və bı ləpək səfə karde rəsmən ğədəğə kardəbə.

    Aokiqaxara yaənki intihorə vişə - Yaponiya

Im sırinə vişə çı mığəddəsə Fudzi bandi dimədə ğərol qətəşe.Iyo ıştəni kıştəkəson  mığdori hisob kardey 60 şest  sor bənaviku binojon kardə. Bı mıddətədə ıyo 500 -sən vey intihor kardey hol ğeyd kardəbə. Qımon heste ki, ım dəb çı Selko Mosumoto “Çı doon siyo dıyo” nomədə kitobi beşe peştə ofəyə bıə. Bə sujeti diyə kardeədə əsos ğəhrəmonon ıştəni ehaşteyro bəvişə şedən. Bı səbəbədə vişəqəvədə nıvoştə bıə: “Jimon ğıymətinə hədiyyəye. Iştə xıyzoni iyən co kəson bəştə fik biyən”.

Har sor bo təmizi kardeyro vəyo şə dastə  çə vırəo 70hafto -100 qılə mardələş qırdə kardedə.

Hirkon TV_Ağılmand_Aytən Eyvazon