Ğəzəl

Ğəddor bə zəmon, vardedə zinhor,
Ov kardə jimon, qardedə har sor.

Mehmon oməmon, bərqoye dınyo,
Bəs çiç bəbamon, boştəro zımhor.

Oj votdə Ğıron, heste ğulon həx,
Boy  çok bıkəmon, har kəsi rəftor.

Dim həm dıləton eyni bəkəs kam,
İnson zınəyon veyni dıləş mor.

Qətdəş co roon, dıl bedə zılmot,
Dıl, quş və çəşon həm ku bə həm kor.

Hiç vec ni cəhon çandə puliş vey,
Vəzyət kenə qon lap bedə dindor.

Kəşdəş ve ziyon, əmmo çı foydə,
Kardəş tı qınon har səfə təkror.

Qin kardedəmon ıştə ğəzəncon,
Hey zulmədəmon, puç bedə kaştor.

Ğəssəm doəmon, aləmi Zərdə,
Çok ni, nıkəmon həx dini inkor.

Aytən, əməlon qon bınə mizon,
Əncəx bəbemon bəştə cəvobdor.

Aytən Eyvazon