Ğəzəl

Vindəş dılım biqonə ijən kəşdəniş ğələm,         

Vardəş nozım bəhonə dəvom karde şode qəm.

Çanəy bəbeş tı soğnə orəx qarde nez bəmı,
Qasbu biyəş nımunə de zuy piyə kom odəm.

Piyey piyəy hakanə dılım votşe ne ki ne,
Əncəx, lakin, ehanə bısutoş çı eşğı şəm.

Məcnun ğəzəl be kanə məva bomı çəy məsəl,
Hiçən məbi divonə çəvon tale ğəm, sitəm.

Iştən bıvot ki keynə behəsrətbə eşği ko,
Con sutşe eşği təşnə, sıbutən fəğır Kərəm.

Aytən, de eşği darde, beeşğ darde ijənən.
Piyey qıləy dəvinə bınəv çanə, nişe çəm.