Zındənim

Doə nıbe çımı eşği hiç məcol,       
Zılmətədə sard ovşome ıştı hol, 
Ruji həşi bıbuş bomı, be xıyol,
Im çı sıre az okarde zındənim, 
Tıni dılo az bekarde, zındənim.

İşğol kardə nə fik mandə nəyən han,
Zıvon lolbe votem piyəy çan sıxan,
Co pamyəbə yole ım eşğ çımı tan,
Çəşi arsi az ekarde zındənim,
Tıni dılo az bekarde zındənim.

Hələ bıvot dardiku co çiç vardə?
Əğıl-əğıl nocon dılədə mardə,
Şinə hanbiş esə kabus oqardə,
Hanım vitə çəş vi karde zındənim.
Tıni dılo az bekarde zındənim.

Ve qon oməy qasbu bəmı eşği bo,
Nığılebən mınış karde ğərğ dıyo,
Vindeədə tıni bedə xun siyo,
Bəştı tərəf az dəkarde zındənim,
Tıni dılo az bekarde zındənim.