Zındənim

Esə pərəndonən ərəsni bəmı, 

Pəredəm, rufım şə co aləm be mı,

Raxs kardəm ovşumi, sıredə demı

Xəyalon dəşəm az, beşe zındənim.

Astovon ruşində şedəm boştəro,

Çanədə aləmon oj be bomıro,

Xose, zəmon mandə şedəni hiç yo,

Beşəme ta bə pe, eşe zındənim.

 Jıqo sıvıkim ki, ğənəd lozim ni,

Bəpərem haft osmon, eşe hozım ni,

Hano oğo beən hələ rozim ni,

Dəkardəm bəştə tan, dəşe zındənim.

Hələ mehmon bəbem ımruj çı həşi,

Nə vəşi bedəm yo, nəən ki, təşi,

Bıvotom har çiyon, sa sor əkəşi,

Xıyon de sıxani kəşe zındənim. 

Aləm N_3 (7) 2017