Bəxtiyare çəmə şair

Har sıxanış çeşmi hikmət,  
Ğəzəlonən doydə ləzzət,
De şeiri kardə sehbət,
Sədo barzo omə şair,
Bəxtiyare çəmə şair. 

Çı bandonku ilhom bəste,
Həzi xunən bo zu vəste,
Hələ navdə sa sor heste,
Çandə bəbe damə şair,
Bəxtiyare çəmə şair.

Iştən həlim, dılış ruşin,
Sıxanonən votdə şin-şin,
Ləli-mərcon həm rəvoşin,
Qıldə dıli çəşmə şair,
Bəxtiyare çəmə şair.

Nocə kardəm həzo soron,
Bıjio har noə misron,
Bımi umjən bedə duston,
Təbrik votdə həmmə şair,
Bəxtiyare çəmə şair. 

2016_08_02