TOLIŞƏ XƏLĞİ HOMER – TOFİĞ İLHOM (1941-2000)

    Ozorboyconi iyən çı tolışi yolə şair, tolışə xəlği Homer Tofiğ Əynəli zoə Şahbozov  1941-nə sor avqustə manqi  9-də Masalli rayoni Ğızıləvo diyədə çı moəku bıə. Çəy pə dəvləti məmurbə. Moəş kalxozədə fəhlə ko kardəşe. Nəv sinədə əv bə İminə sinif şə. Çordə sinədə çəy çaşon ku bıən. Əv qırd çı dınyo ruşinəku məhrum bıə.

Tofiğ İlhami Bokuədə xısusi internat məktəbədə təhsil səşe. 1968-nə sorədə Boku Dəvlət Universiteti filoloqiyə fakultə sə kardəşe.   Masali Ğızıləvo diyədə muəlliməti kardəşe.

Tofiğ İlham hələ çordə-ponzə sinədə beyədə şeir nıvıştəşe. Çəy sıftənnə şeir 1963-nə sori fevralə manqədə “ Azərbaycan pioneri” rujnomədə nəşr kardə bıə.  1993-nə sorədə əçəy Kafte nomədə kitob çapo beşə. Detobə bə vaxti muxtəlif rujnomonədə, jurnalon iyən almanaxonədə tolışi iyən tırki zıvonədə şeiron nəşr bıəbin.

Tofiğ İlham çı  Ozorboyconi Ənvışton İbemoni “ Azərbaycan Yazıçılar Birliyi” uzv bıə. Ğorbinə şair  2000-nə sor mayə manqi siyədə çı dınyoku şə.