Pidənim

Çımı nav aləm oğandon betı dınyo pidənim,
Tı həşi barde həni, zılməte ruj ço pidənim.

Çənə hicron bıqəto az bəvitem çəy ğələku,
De vusal i bəbemon həsrəti fino pidənim.

Bıpiyo təşnə bıbum bəy, bəqətem eşği rujə,
Lıputon çəkkə bıkən, dıl bıbu poş, şo pidənim.

Aşiqon tasbe pidən eşq otəşi qırdo-kəno,
Dəbiyo coyli dılım, qam nıkə vənqo, pidənim.

De xəyalon dutəbim eşği səray tokyə şəvon,
Jıqo kardiş vılo əy boy məkə bərpo, pidənim.

Bomı deşmen bə şəvon kardə nıyo ruşnə həşi,
Bedənim az həni ovşım, nıbu şanqo pidənim.

Iştə eşği bınıvıştom oxo hicron bıbuən,
Az Şirin, Leyli ne Aytən be pidəm co pidənim.