Mandə - Ğəzəl

Emə tovsondə livon do hələ mandə
Bəmı dınyodə hejo qon şələ mandə

Çənə co vıjne pidəm ro bedəni co
Niyəton hiçbə çəvo malxulə mandə

Ve oqardim dumo az nimədə tarsəm
Əve ım dıldə nocon çan qılə mandə

Bı sukuti, bı əzobi, bı susardi
Beşə usyon çımı dıl ah-nalə mandə

Pəşimonbim oğo bey di be oqarde
Zəmoni kıştıme az i tılə mandə

Ğədi lozimbe zıne vaxtədə, Aytən
Jimoni doyku dumo puç dılə mandə

Aləm N_3 (7) 2017