Əli Nasir

   

    Azərbaycani iyən Tolışi yolə şair, siyasi iyən ictimai xadim Ğırbonəli Əli  Nəsirov (Əli Nasir) 1955-minnə sori mayə manqi 1-ədə Lankon şəhrədə moəku bə.

        Pəj Ğırbonəli II Dinyo Muharibə şirkətəkə, moəj Həvvonisə xanım bənəy xadimə ko kardəje. Moəj əy həmişə  bənəy “Əlizodə”  vanq əkəy. Şairi Ali təhsılıj nıbe. Əv bə Boku Natə Texnikom dəşə, de qıləy marağinə səbəbi həminə məktəbıj oroxniyəjni.

        Deştə rəssamə  dust—Vaqifi Texnikomi hıtəxonədə mandə  devrədə Vaqif mələfə səpe “Leyli iyən Məcnun”i şikilıj kəşə, Şair Əli Nasiriyən şikili jiyədə çı Fuzuli şeirıj nıvıştəjebən. Imi vində komendant rıkno bə, de şairi hecbesıj kardə. Bı səbəb şairi texnikomo  xaric kardedən.

     1989-minnə sorədə Lankoni “Ziyaliyon kə”də iminnə kərə Tolışi Poeziya Şəvıj Əli Nasiri  təşkilıj kardə. Şair bə vaxt de “Avesta”  cəmiyyəti muridon didorədə bəvon bı tədbiri dəvonero sıxan doydə və tədbiri dəvonrdə

        Şəvədə Tofiq İlhom, Xanəli Tolış iyən co şairon şirkət kardedən.

         De Əli Nasiri rəhbərəti Lankoni Rəssaməti Məktəbədə “Naxş Cıvonon İyəti”  soxtə bə be. Bı mərənqoədən poeziya şəvon əbin. Mərənqon Əli Nasir deştə şeiron bino əkəy.

    1989-minnə sorədə de Lankoni Xəlqi Cəbhə konfransi ğərori “Elin səsi”  (Eli sədo) rujnomə təsis bedə. Bə rujnomə rəhbərəti bə Əli Nasiri odoştə bedə. Bı konfransədə şair Xəlil Rza Ulutürkən şirkət kardedəbe.

De Əli Nasiri ciddi hımcımi 1990-minnə sori yanvari 11-də ruznomə mehuri bə Şairi doydən.

 1988-89-minnə soron, Lankon “Fovcul-fusəho” əruzə şairon ədəbi məclisi mərənqonədə bo fəol şirkət karde bino kardedə. Vəyo Əməlhəqq iyən Ənəlhəqq nomədə rujnomon nəşr kardedə.  1990-minnə sorədə nəşr bə “Çaşmə”  satirikə rujnomədə şairi kəşə karikaturon iyən şeiron nəşr bedən.

       1990-minnə sori yanvarə hadison devrədə şair həbs kardəbə, bə Lefertovo turmə dənoəbə zəmononədən şair bə rujnomon materialon vığandedə. “Çaşmə” rujnomədə de “İnqə bəq” təxəllusi   ıştə nıvıştəyon dərc doydəbe karde. Peş turmə “İmpuls” rujnomədə redaktor ko kardəje, ijən de “İnqə bəq” təxəllusi  nıvıştəyon dərc  ədəy karde.

        Əli Nasir 2009-minnə soro tosbin 2013-minnə sori Respublika Tolışə Mədəniyyətə Mərkəzi sədr bə.

       Əv 7 kitobi muəllife. Im kitonon: “İlğım”, “Dərs nə yaman tez qurtardı” , “Kərbəla musibəti” ,  “Qonə şələ” , “Oxuyuram alnımdakı yazını” i.c.

       Həxi şair Əli Nasiri 1989-minnə sori noyabrə manqi 17-də, Ozodəti məydonədə ovanq doəm “Ey ana vətən” marş,  de Vətəni exşi jiyəyon bə daimi himni peqardə.

Çı “Tolışi Milliyə Ruf” nomdo bə Əli Nasir ım ruj, de cismi çəmə arədə nıbuən, bovə kardəmon, azizə nomıj Azərbaycan xəlği dılədə əbədi bəjiye. 

HirkonTV_Tarixədə Rizon_Aytən Eyvazon