Dınyo Marağinə vıron

Katatumbo avəvuon

Katatumbo avəvuon Venesuella kişvərədə Katatumbo ruy Marakaybo bili emə vırədə təbiəti hodisəye. Avəvuon sorədə 140-160 şəvi dırozi əməl omedə və 10 saat dəvom kardedə.  Im zona dınyoədə ozon ofəyə i qılə vırəye.

Əbədi otəşə şulə

Nyu York ştati ğərbədə vırə qətə əbədi otəşə şulə. Zəmini nığılo omə ğazon sayədə daim vəşedə.

                                                 

Xuninə şulə

 Xuninə şulə 1911 – nə sorədə Antarktidaədə Avstraliyə qeoloq Teylor Qriffit tərəfo kəşfbə. De osıni zanqin nemekinə ovon mənbəy 400 metr nığılədə və şuləku çand kilometr diyəroədə  vırə qətə bile. İ qrup tədqiqatçion tədğiğati peştə məlumbə ki, bilədə jiə mikroorqanizmon həşi ruşin, oksigen nıbə şəraitədə mevcud be zınedən.

 Duzəxi bə

Tırkmənistoni Ahal viloyətədə təbii ğazə çolə. 1971-nə sorədə Rusiyə tədqiqatçion bo ğazi nəveədə təsadufən bı vırə pəydo kardəşone. Krateri diametr təxmin 60 metr, nığıli 20 metri neze.  Çı çolo beşə metan ğaziku ətrof muhiti iyən odəmon noğo doyro əvrə bə otəş doəşone və tosə ə vaxti çol hejo vəşedə.

Kristalon məğorə

Kristalom məğorəçı  Meksikə Naika şəhəri 300 metr nığıli vırə qətə. Pəydo bə kristalon barzəti 11 metr, hevuji 4 metr, qoni 55 tone. Məğorədə tempratur 58 dərəcə və nəməti 90-100% be qoroş çəvrə tədğiğatədə çətinətion bedə.

 

Pambə ğələ

Turkiyə nıso-ğərbədə bıə Dənizliədə təbii park. Şəhər qamə honion, travertənon və eşurə ovonku mandə karbonat minerali terason əhotə kardedə. Turkiyə İçəri Egey regionədə,  Menderes ruy dəədəye.

 

Rişat –  Daşti çəş

Sahara daşti Mavritaniya poədə vırə qətə. Strukturi diametr 50 kilometre. 1965-ci ildə astronafton tərəfo kəşfbə. 

Hirkon TV_Ağılmand_Aytən Eyvazon